Како што најави владиниот портпарол Александар Ѓорѓиев, од државниот буџет на Македонија ќе се издвојат 11 милиони евра наменети за подобрување на образовната инфраструктура во државата.
Средствата ќе се користат за реконструкција на веќе постоечките училишта, како и за изградба на нови. Според изготвената програма, предвидени се над 120 реконструкции во 40 училишта, за кои ќе бидат издвоени над 6 милиони евра. Во внатрешноста на државата предвидена е и изградба на 14 модуларни училишта, за што од буџетот ќе бидат издвоени 1 милион евра.
Ќе се врши и изградба на 10 нови објекти и три доградби за големи училишта, со што според најавите од владата, ќе дојде до зголемување на капацитетот на веќе постоечките големи училишта за 40%.
Програма треба да се реализира до првиот квартал во 2014 година.
OhridNews
