Владимир Глигоров, од Виенскиот институт за меѓународни компаративни економски студии, смета дека во услови на дефлација или мала инфлација може да се размислува на релаксирање на монетарната и фискалната политика, но според него тешко ќе биде да се обезбедат странски кредити со поволни камати, од што зависи и кредитниот курс на земјата.
-Кога е инфлацијата доброчудна се отвора можност да се размислува за релаксирање и на фискална и на монетарна политика, доколку има евентуални рецесиони движења. Во овој момент нема такви сигнали, а проблем ќе биде и да се дојде до странски поволни камати, смета Глигоров. Според него но доколку се сака, а што би било добро, монетарната политика Македонија сака да се прилагоди на новите инфлаторни ефекти не би било лошо да има некоја поддршка од Меѓународниот монетарен фонд-ММФ, за да може кредибилитетот да се зголеми, и тогаш би можело да се размислува за релаксирани потези и во монетарната и во фискалнат политика, додава Глигоров. Според него постои простор да се дискутира за аранжман со ММФ, што пак не е во плановите на Владата. Сепак, смета Глигоров, во блиска иднина треба да се размислува за тоа.
Наспроти Глигоров, заменик претседателот на Владата, Зоран Ставрески, јасно стави до знаење дека владата не отстапува од својата економска политика, во која не се предвидува аранжман со ММФ. Политиките на владата економијата во фискалниот и во монетарниот сектор се поздравени и од ММФ, од Светската банка, како и од Европската комисија, како здрави политики кои што придонесуваат за развој на економијата во Македонија, подобрување на бизнис климата и макроекономска стабилност и тоа ќе остане наша ориентација. Во тој дел ние соработуваме со ММФ преку консултации и така ќе остане и понатака, рече Ставрески.
