СДСМ и министерот за култура Алаѓозоски немаат кредибилитет да говорат за заштита на културното наследство, смета ОК ВМРО ДПМНЕ – Охрид. Партијата го критикува говорот на министерот Алаѓозоски на конститутивната седница на основачкиот состанок на Комисијата за управување со наследството на охридскиот регион, со наводниот ризик за Охрид, во кој тој истакна дека постои опасност од губење на статусот град под заштита на УНЕСКО. Алаѓозовски ги манипулира граѓаните, спротивно на изјавите од официјалните лица на комисијатата на УНЕСКО во нивната официјална посета во кои експлицитно се вели: „Никогаш не дошло во прашање Охрид да биде избришан од листата на УНЕСКО, на Охрид не му се заканува бришење од листата“, велат од ОК ВМРО ДПМНЕ.
Партијата бара министерот Алаѓозовски да им објасни на охриѓани: Дали прекинувањето на проектот за Центарот за култура значи живот за Охрид и охриѓани?; Веднаш транспарентно и целосно да се објави извештајот и да се образложи кои мерки се преземаат?; Каде е наводниот нов Закон за заштита на културното наследство?; Што се случи со системот на задолжително финансирање на спомениците од листата на споменици од национално значење?
OhridNews
