„На овие избори победија граѓаните на Република Македонија. Овие избори се доказ за демократската зрелост на нашата земја. Денес Република Македонија покажа дека е Европска земја, не само според географските туку и според изборните стандарди, начинот на однесување на избори и гласањето во изборниот процес. Денес граѓаните покажаа дека се европејци и според системот на вредности и според однесувањето и спроведувањето на демократијата на дело.“ Ова го иостакна Антонио Милошоски на официјалната прес конференција на ВМРО-ДПМНЕ, која што се одржа веднаш по затворањето на гласачките места.
-Иако постоеја некои јалови обиди на опозицијата, овие избори да се претстават како неефикасно спроведувани, обиди за создавање на изговор заради сопствениот изборен неуспех, евидентен по првиот изборен круг, тие обиди не успејаа затоа што граѓаните не дозволија да бидат вовлечени во такви манипулативни сценарија и калкулации. Граѓаните го дадоа најголемиот одговор и јасна порака на ваквите обиди за манипулација со изборната воља. Одредени структури од СДСМ се обидоа невешто и неуспешно да исценираат амбиент за нелегитимност на изборите, преку кршење на изборниот молк во дел од медиумите кои се под нивна прилично голема контрола, со пласирање на непроверени тези за наводно недемократско однесување на учесниците во изборите, на изборниот процес и тоа без ниту еден легитимен или валиден доказ, без ниту еден факт или документ, рече меѓудугото Милошоски.
Тој потенцираше дека граѓаните на денешните избори се определиле да бидат позрели од некои политички партии и јасно да ја изразат својата изборна воља.
OhridNews
