ВМРО- ДПМНЕ: Добро е што СДСМ се сети да прошета низ Охрид

Добро е што СДСМ се сети да прошета низ Охрид за да можат граѓаните конечно да ги видат Охридските милионери кои се збогатија во овие 20 години власт на СДСМ преку криминал и корупција, стои во писмената реакција на општинската ВМРО- ДПМНЕ по денес одржаната прес- конференција на пратеникот од СДСМ, Митре Велјаноски на која беше најавен почетокот на проектот „Отвори врата за иднината“.

– СДСМ при нивниот проект нека им дадат објаснување на граѓаните за криминалот во Општина Охрид, за урбаната мафија, за зградите кои никнуваат на секој ќош, а ги градат сомнителни фирми од Струга, за затворените фабрики „Братство“, „Отекс“, „Илинден“, „Езерка“, „Застава“, зошто сакаат „ЕМО“ да го претворат во депонија за ѓубре, за дупките по улиците, за тоа како може братот на градоначалникот да биде претседател на комисија за јавни набавки во општината, за  тоа дали Охриѓани ќе паркираат на катната гаража која ја вети Александар Петрески пред 8 години, или ќе пазарат во затворениот пазар, дали ќе се возат Охриѓани со жичара која е дел од сите нивни кампањи, стои во дел од реакцијата.