ВМРО ДПМНЕ официјално не ги соопштува имињата на функционерите кои ќе бидат опфатени со „Новиот бран“. Она што зaсега се знае е тоа дека во Охрид ќе биде извршена промена на најмалку 7 функционери, а уште тројца ќе бидат под мониторинг.
Висок извор од партијата ни изјави дека засега единствено конкретно е разговарано за смена на функционери на национално ниво и тоа во ЕЛЕМ, Агенцијата за патишта, Агенцијата за заштита на конкурентноста и Македонски Железници, додека за промена на директори во Охрид се’ уште не е расправано, посочувајќи дека лицитирањето со имиња на раководители на кои им се ниша фотељата, a кои почнаа да кружат во јавноста, е во доменот на шпекулации, односно се работи за нечија пуста желба.
Како што дознаваме, во изминатите месеци партијата извршила анкетирање со различни целни групи за работата на функционерите во Охрид, врз основа на кое ќе биде и донесена одлуката за смена на раководители во институции каде на одговорни позиции се назначени функционери од ВМРО ДПМНЕ.
OhridNews
