-Александар Петрески и неговиот тим веќе полека една по една почнаа да ги признаваат своите катастрофални грешки во урбанистичката и во организационата сфера во управувањето со Охрид мислејќи сега пред избори дека на тој начин ќе ја одоброволат јавноста и граѓаните. Ова меѓу другото беше истакнато на прес конференцијата на ОК ВМРО ДПМНЕ -Охрид, која уште еднаш упати обвинивања на адреса на првиот човек на градот за, како што бече речено, катастрофалните последици од давањето под концесија на паркинзите во градот.
Последици од тоа, рекоа од ВМРО ДПМНЕ, има и по туристичката сезона и по граѓаните. Оттаму потенцираа дека градската власт нема храброст да ги исполни најавите за враќање на паркинзите под капа на општината, која според ВМРО ДПМНЕ, станала жртва на интереси на поединци и групи.
ВМРО ДПМНЕ денеска јавно побара одговорните во Локалната самоуправа да ги признаат и другите свои грешки.
-Би сакале да ги потсетиме исто така да признаат за пензионерскиот дом, за затворениот базен, за жичарата на Галичица, за голф терените, за аква паркот, за бесплатниот превоз на пензионерите, за урбаната мафија, за собраќајниот хаос во градот, за раскопаните улици, за големите инвестиции кои ќе ги донесеа во Охрид, за сите оние работи кои им ги ветија на своите сограѓани а не ги остварија.-бече истакнато на прес ккнференцијата на ВМРО ДПМНЕ.
Оттаму сметаат дека општината нема никакво алиби за нереализираните најавени проекти и дека сето тоа граѓаните ќе го имаат предвид на претстојните локални избори, кога според ВМРО ДПМНЕ, ќе дојдело до промена на власта во Охрид.
