За СДСМ зборот беше збор, а за граѓаните ќе дојдеше живот. Ниту зборот е збор, ниту дојде живот туку партиските интереси се ставени пред интересите на граѓаните. Охриѓани по цела една година и повеќе не добиле обесштетување за штетите од земјотресите. Нема ниту денар, ниту пак солидарност за граѓаните, велат од општинската ВМРО ДПМНЕ.
– Зошто Владата нема донесено одлука дали и во колкав процент ќе ги обештети охриѓани кои претпреа големи штети на нивните домови? Градоначалникот Стојаноски свесно манипулира со граѓаните, велејќи дека тоа ќе било до крајот на летото, а со тоа го пролонгира датумот, крајот на месецот април, којшто беше претходно ветен од Владата. Зошто исплатата на средствата на граѓаните се пролонгира?, прашуваат од ОК на ВМРО ДПМНЕ.
Оттаму, додаваат дека за една година се покажало вистинското лице на СДСМ и пратениците од Охрид, Томислав Тунтев и Жаклина Лазаревска коишто претходно не го прифатија интервентниот амандман од 2 милиона евра со цел за располагање на граѓаните коишто претрпеа штети.
ВМРО-ДПМНЕ бара од СДСМ паричните средства во најкус можен рок да бидат исплатени на граѓаните.
OhridNews
