ВМРО-ДПМНЕ смета дека Собранието на Република Македонија треба веднаш да се распушти, но претходно да се закаже седница на која што прва точка ќе биде донесување на Буџетот за 2017 година, со што ќе се гарантира редовна исплата на плати, пензии, социјална помош и подмирување на другите потреби на граѓаните. Втора точка која во целост ќе ја поддржиме, да биде донесување на одлуката за распуштање на Собранието и за неа да се расправа, предложи вчера ВМРО ДПМНЕ, откако СДСМ побара итна седница за распуштање на парламенотот во текот на вчерашниот ден.
„Доколку СДСМ е убедена дека ќе ја добие поддршката на наредните избори, не е спорно на првата седница по конституирањето на новиот собраниски состав да предложи и изгласа ребаланс на Буџетот.
Неносењето на буџетот ќе значи и потенцијален ризик и опасност од внесување на земјава и во финансиска криза, покрај политичката криза со која што се бориме и се обидуваме да ја надминеме.
Со поддршката на агендата што ја предлагаме, СДСМ ќе докаже дека навистина има намера да излезе на избори и дека навистина се убедени дека државата веќе не смее да биде заложник на политичките интереси на Зоран Заев.“ – соопшти Вмрод ДПМНЕ.
OhridNews
