Со секој изминат ден станува се појасно дека граѓаните нема да дозволат Македонија да биде водена од Тиранска влада која ќе реализира Тирански Платформи. Народот на 11-ти декември не гласаше ниту за нов закон за јазици со кој што албанскиот ќе стане официјален на цела територија, ниту за двојазични банкноти или двојазични униформи. Народот не гласаше за отварање дебати за менување на химната, грбот и знамето, ниту за осуда на наводниот геноцид врз Албанците, велат од ВМРО ДПМНЕ.
– Народот не гласаше за кантонизација и федерализација, а никој не го праша ниту за промена на уставното име заради брз влез во ЕУ и НАТО. Сите овие антидржавни и антинационални теми му беа наметнати после избори, измамнички и кукавички, со една единствена цел, Заев и криминогеното раководство на СДС да формираат Влада, иако загубија на изборите. Аболицираниот Заев и криминогеното раководство на СДС се силно уценети. Формирањето влада тие го гледаат како спас од одговорност за криминалот што го направиле. Тие мислат дека на тој начин, со тргување со највисоките државни и национални интереси, би се спасиле од долгогодишните казни затвор што им се закануваат, стои во денешното соопштение на ВМРО ДПМНЕ.
Оттаму додаваат дека не треба да се чека ниту ден повеќе и да се губи драгоцено време и дека час поскоро мора да се организираат избори на кои граѓаните ќе кажат што мислат.
