Советничката група на ВМРО ДПМНЕ , ниту ќе поддржи одредување на цена за уредување на гробно место од 720 денари годишно како што предложи мнозинството, затоа што таа цена е економски небалансирана и политички инструирана и на товар на граѓаните на Охрид . – Тие не се должни да ги плаќаат политичките потреби на локалната власт во Охрид, ниту нивните огромни долгови кои ги создаваат. Предлогот на ВМРО ДПМНЕ е цената за одржување на гробно место да не надмине висина од 200 денари годишно, велат од советничката група на ВМРО- ДПМНЕ. Против се и предлог одлуката за давачка за солидарен пакет погребални услуги. По овие ставови , на вчерашната седница мнозинството на СДСМ остана без поддршка и поради тоа истите ги повлече од дневен ред, додаваат од ВМРО- ДПМНЕ.
Советничката група на ВМРО ДПМНЕ, во интерес на граѓаните и новите Јавни претпријатија го поддржа процесот за отстапување на движни и недвижни средства од Комуналец кон новите ЈП кои произлегоа од него. Од советничката група на ВМРО ДПМНЕ потенцираат дека на вчерашната седница можеле лесно да ги блокираат и овие одлуки, но се држеле како сериозна партија до заземениот став ,дадениот збор и поширокиот јавен интерес.
ВМРО ДПМНЕ нагласуваат дека иницијативата за именување на јавен објект во Охрид со името на великанот на македонскиот спорт охриѓанката Атина Бојаџи тие ја започнале. – Заради брзината на постапката советничката група на ВМРО ДПМНЕ поддржа предлог Спортскиот Центар во Охрид да го носи името Атина Бојаџи што не исклучува поднесување на постапка за именување на улица во Охрид со нејзиното име, велат од ВМРО- ДПМНЕ.
