– Непочитување на одлуката и заклучокот на инспекторатот јасно покажа дека Градоначалникот Петрески и локалната самоуправа Охрид упорно штитат урбани интереси на урбаната мафија во Охрид, одбивајќи притоа да постапи според Законите и да ја сруши дивоградбата на брегот на езерото во Трпејца. Воедно му предлагаме на Државниот градежен инспекторат што поскоро да ја посети Општина Охрид и да провери уште колку тоа дивоградби се кријат заради некакви бизнис мотиви на Градоначалникот Петрески, а се на штета на Охрид, рече портпаролот на ОК на ВМРО- ДПМНЕ, Никола Митровиќ.
Од општинската ВМРО- ДПМНЕ се осврнаа и на Законот за Охрид, кој како што беше кажано, после 20 години зборување за него и притисоци истиот да не се донесе од урбани интереси ,конечно е донесен од страна на пратениците на ВМРО-ДПМНЕ кои не подлегнале на притисокот и го изгласале законот.
– Очигледно градоначалникот не може да го следи интересот на градот Охрид и поради други интереси не сака да го примени. Оправданието на пример дека планот за потегот Табана чека на некаква согласност е неточно, затоа што тој план не е изгласан во Советот заради неадекватните урбани решенија на кои се спротиставивме. Затоа, го повикуваме Градоначалникот на Охрид да постапи според членовите 6 и 13 од Законот за Охрид во кој е утврден рок од една година од носење на законот за да донесе ДУП за целата заштитена зона (а не само за Табана) и ДУПови за контактната зона која се протега се до булеварот Железничка, рече Митровиќ.
