– Додека Владата на ВМРО-ДПМНЕ отвора булевари и патишта во интерес на граѓаните, локалната самоуправа на СДСМ си сече дрва, уништува дрвореди само за свој интерес, не ја гради ветената автобуска станица, а на местото на старата покрај зградите си уреди и див паркинг на узурпирана улица. Владата на ВМРО-ДПМНЕ работи на унапредување на здравствените објекти, а локалната самоуправа и СДСМ работаат на блокирање на нивната изградба, рече Михаилов.
Според претседателот на општинската ВМРО-ДПМНЕ локалната самоуправа продолжува да го задолжува Охрид за да ги спаси личните долгови и интереси на неколкумина. Како што рече Михаилов, последните пресметки и направени анализи укажуваат дека општината има 5 милиони евра нов долг.
– Додека ВМРО-ДПМНЕ прашува каде се околу 40 милиони евра на граѓаните, а при тоа не е направена ниту една капитална инвестиција во овие 6 години, неодговорната локална самоуправа испраќа соопштенија со лични дисквалификации, криејќи ја вистината. Додека ВМРО-ДПМНЕ укажува дека Охрид тоне, некој брани лажна теорија дека градот бил успешна општина, рече Михаилов.
Претседателот на општинската ВМРО- ДПМНЕ ги потенцира вложувањата на актуелната влада за отворање на професионален театар, залагањата за намалување на давачките за гробарина, пуштањето во употреба на социјалните станови. Уште еднаш напомена дека е лага дека градоначалникот не бил уредно поканет на отварањето на булеварот Железничка.
