Градоначалникот Петрески не може да се амнестира од одговорност, затоа што токму неговиот начин на владеење го доведоа Охрид на работ на пропаст, возвраќа жестоко ОК ВМРО ДПМНЕ на рекацијата на Кабинетот на градоначалникот, од каде пак претходно обвинија дека токму оваа партија и нејзината Влада се одговорни за лошите состојби во градот и државата.
-Петрески заборава дека 7 години тој го уништува Охрид , дека 7 години тој ги уништува јавните претпријатија , дека 7 години тој ја уништува локалната самоуправа. Но ,граѓаните ќе го потсетат многу брзо и ќе го испратат во црната историја на Охрид.
Како и во секоја друга реакција Петрески избегнува да одговори зошто водата поскапува 20 проценти , зошто на Комуналец треба да му плаќаме 9 проценти повисоки сметки, зошто на Нискоградба треба да плаќаат повисоки сметки , зошто гробарината е највисока во Македонија.
Ако навистина смета дека граѓаните живеат во економска критична ситуација нека објасни Петрески зошто тогаш ги зголемува цените на главните комунални услуги во Охрид. – прашуваат од ВМРО ДПМНЕ.
