Народна Партија упорно го зголемува нивото на својата безидејност, несоодветни реакции и тормозење на јавноста со нивните нерационални размислувања. Диоптријата низ која ја анализираат секоја постапка на локалната самоуправа, за нив секогаш ќе биде криминална, веројатно тргнувајќи од сопствените искуства во изминатите 8 години на практикување на локалната власт, кога општина Охрид доживеа материјален, морален и финансиски потоп, кој генерациски ќе се одразува врз нормалниот развојот на нашиот град, се наведува во реакцијата на општинската ВМРО-ДПМНЕ по обвинувањата на ВМРО-НП за непринципиелност.
– ВМРО-ДПМНЕ е политичка партија која практикува локална власт во Охрид, пред се на законски и морални принципи и до крај ќе ги спроведува тие начела на отчетност пред законот на Република Македонија и пред нашите граѓани. Проектите кои во својата Програма ги презентира Градоначалникот Бакрачески и ВМРО-ДПМНЕ, ќе се реализираат врз основа на законски норми и во содејство со законски постапки на партнерства со приватниот и јавниот сектор. ВМРО ДПМНЕ никогаш не ги нарушило ниту некогаш ќе ги наруши своите принципи кои се базирани врз реалните основи, се наведува меЌудругото во реакцијата од ВМРО-ДПМНЕ .
OhridNews
