Државата тоне, Охрид не оди напред, а граѓаните страдаат, рече портпаролот на ВМРО ДПМНЕ Перчо Божиноски, на прес конференцијата одржана денеска. Тој директно ги обвини властите за, како што рече, пропаднатата туристичка сезона.
СДСМ и Георгиески се главни виновници за пропаднатата туристичка сезона. Туристичките работници и угостителскиот сектор се оставени на милост и немилост. Граѓаните се обесправени, понижени и несигурни. Заев и СДСМ свесно не се сеќаваат, но Охрид и Македонија не забораваат на неостварените ветувања за живот. – рече Божиноски.
Граѓаните се изневерени од СДСМ поради економското фијаско, капитулацијата во здравствениот систем, разурнатото образование и неостварувањето на стратешките интереси. Власта наместо да се справи со сите проблеми ја злоупотребува здравствената криза и дели пакети во вид на поткуп, додаде Божиноски.
OhridNews
