Владејачката ВМРО ДПМНЕ на претстојните предвремени парламентарни избори во 5-та Битолско – охридска изборна единица на кандидатската листа, неофицијално, ги ставила тројцата досегашни пратеници од Охрид: Александар Николоски, Анита Кипаризоска – Крестеска и Цветко Грозданов, дознава OhridNews од извори од партијата.
ВМРО ДПМНЕ која во најголема тајност ги чуваше имињата на кандидатите за пратеници, листата до Државната изборна комисија ја достави пред истекот на законскиот рок- 5-ти мај на полноќ.
Официјална потврда на имињата на охридските кандидатите на изборната листа на ВМРО ДПМНЕ во 5-та изборна единица се очекува во текот на утрешниот ден.
Претседателот на О.К. на ВМРО ДПМНЕ во Охрид, Атанаско Михаилов, како што претходно соопшти партијата ќе го предводи Општинскиот изборен штаб.
OhridNews
