Би ја прифатиле секоја една критика од сериозна политичка партија која на својата држава и мисли добро,но лицемерие е да се критикува партија која застана во одбрана на својот идентитет, име и интегритет,наспроти партија која ја води човек кој некогаш бил премиер на оваа држава,но со идеи не за нејзин просперитет и напредок, туку заради пусти туѓи интереси,човек кој заговараше поделба на државата,кој копаше по коските на Блаже Конески,и кој го убедуваше македонскиот народ за неговото бугарско потекло, се наведува во реакцијата на ВМРО- ДПМНЕ Струга, по вчерашните искажани обвинувања од ВМРО- Народна партија Струга.
– Немате ниту право ниту морал, а најмалку чист образ да излезете пред стружани, Вие кои заедно со вашиот лидер и сегашниот ваш коалиционен партнер и ја скроивте судбината на Струга заговарајќи поделба на територии и преселба на народи. Затворениот пливачки базен за кој го повикувате ВМРО-ДПМНЕ ниту се изградил во време на Љубчо Георгиевски, ниту пак најдовте сили за негова реконструкција,ниту стружани паметат барем еден проект реализиран од вашата партија. За разлика од вас, ВМРО-ДПМНЕ е партија која стои зад своите ветувања и ова ветување ќе го исполни исто онака како што пишува во изборна програма зад која застанаа граѓаните на Република Македонија и по седми пат ни ја дадоа довербата.Ние искрено жалиме што во вашите редови нема личност како што е пратеничката Затуроска, која на најдостоинствен начин, со бројни ангажмани и активности ја претставува нашата партија како во парламентот така и пред граѓаните на Струга, и се залага она што вашиот лидер успеа да го уништи, разнебити и да го одземе, повторно да го врати во светло кое Струга и нејзините грагани го заслужуваат, а тоа е спортскиот дух на Струга, токму преку изградба на објекти како затворениот пливачки базен, спортските сали, спротските игралишта и спортски манифестации, се наведува меѓу другото во реакцијата.
