По неколкудневна кавга на ВМРО ДПМНЕ, СДСМ и Локалната самоуправа за тоа кој повеќе капитални проекти реализирал во Охрид, се огласи ВМРО Народна партија според која се врши обид туѓи дела да се прикажат за свои.
Според оваа партија најпосветена Влада на интересите на Охрид била таа на почесниот претседател на ВМРО НП, Љубчо Георгиевски, која реализирала капиталните објекти кои ВМРО ДПМНЕ и СДСМ не успеале да ги надминат во никој поглед, како што се изградбата на модерен автопат на релација Билјанини извори – Св.Стефан, изградбата на булеварот Туристичка, изградбата на Плаошник и реставрацијата на Самоиловата тврдина, возобновувањето на Античкиот театар, ревитализацијата на спомениците на културата, изградбата на пристапен мост до старото пристаниште, реновирање на повеќе училишта и изградба на спортски сали, изградба на водоводна мрежа и.т.н.
– Господо од ВМРО ДПМНЕ и СДСМ за капитални инвестиции може да зборувате само тогаш кога ќе направите подолг список на инвестиции од овој. Дотогаш граѓаните на Охрид и Република Македонија знаат дека златно време за Охрид со најмногу капитални инвестиции беше периодот кога премиер на Владата на Република Македонија Љубчо Георгиевски.- стои во реакцијата на ВМРО Народна партија.
OhridNews
