ВМРО- НП денеска ги објави носителите на листите за шестте изборни единици за предвремените парламентарни избори закажани за 5-ти. јуни.

Носител на листата во изборната единица еден ќе биде Влатко Андоновски, професор  на Шумарски факултет, во двојката ќе биде  Љупчо Балковски, поранешен министер за транспорт, во тројката Маријан Додовски, претседател на ВМРО-НП, во четворката Миле Јакимовски генерален секретар на партијата, пет ќе ја предводи Љубчо Георгиевски почесен претседател и поранешен премиер и на шестката, Драган Давидовски економист од Тетово.

Претседателот на партијата Марјан Додовски го соопшти и слоганот под кој ќе настапи партијата на претстојните избори- „Тука сме да ја кренеме Македонија на нозе“.

OhridNews
извор: Makfaks