За помалку од една недела во Охридското езеро се случија пет несреќи со скутер. Неколку лица беа тешко повредени, меѓу кои и едно единаесетгодишно девојче. Последниот инцидент беше кобен за едно момче.Владата и Министерството за транспорт и врски немаат ни најава дека ќе постават капетан на Капетанијата на пристаништата, велат од општинската ВМРО- Народна партија.
– Општо познато е дека неодговорниот начин на работење е препознатлив за оваа власт, но овде директно се загрозуваат животите на граѓаните. Доколку немаат кадар во редовите на нивната партија, нека постават стручен човек за таа работа. Барем на оваа одговорна функција нека постават стручен кадар.Покрај безбедноста на граѓаните и гостите, со ова значително се загрозува туризмот на Охрид, велат од оваа партија.
Прашуваат- уште колку жртви треба да има за Министерството и Владата да се свестат и да постават одговорно лице на оваа институција?! Кој ќе ја сноси одговорноста за овој хаос кој се плаќа по цена на човечки животи?!
OhridNews
