Праксата која Локалната самоуправа во Охрид ја применуваше, со јавно објавување на сите информации, оваа година како да запре. Не видовме кои фирми или приватни лица ги добија локациите за урбаната опрема, бележењето на градот и разни други тендери, велат од општинската ВМРО- Народна партија додавајќи дека транспарентноста во работењето е основната алатка која мора да ја поседува секоја институција при вршење на својата работа.
– Зошто овие информации ги нема ниту на интернет страната на општина Охрид ниту било каде во јавноста?! Дали јавноста ќе ги прочита имињата на фирмите и лицата кои имаат најповолни понуди од јавните лицитации и тендери?! , прашуваат од ВМРО- НП.
Оттаму, изразуваат надеж дека во иднина, недостатоците ќе се надминат и дека јавноста благовремено ќе биде информирана за сите информации кои според законот, се од јавен карактер.
OhridNews
