При тоа, таа нагласува дека и покрај конзумирањето на зеленчукот и овошјето, неопходно е користење на додатоци од витамини и минерали.
– Најважно е да има сооднос во исхраната. Без додатоци не може да се подигне имунитетот, затоа што во последно време храната е во голема мера обезвреднета со користењето на пестициди, киселите дождови и хормони, односно се она што ги уништува важните состојки од храната. Секоја клетка може самата да се излекува ако го има она што и е потребно, вели д- р Кавај.
Со редовно вршење на витаминско минерален тест кој се врши во центарот, се утврдува недостатокот на витамини и минерали во организмот, се утврдуваат одредени алергии како и причините за настанување на одредени заболувања.
– Со одредување на витаминско минералниот недостатоок се даваат витаминско минерални препарати, додатоци во исхраната за да може организмот да се врати во правилна насока на функционирање. Ова е многу поефикасен начин отколку да се користат антибиотици, затоа што со само една доза антибиотик се уништува цревната флора за период од три до шест месеци што доведува и до пад на имунитетот, потенцира д- р Кавај.
За имунитетот и користењето на здравата храна, во организација на Женски центар „Биисера“, вчеравечер од страна на д- р Радмила Кавај беше одржано предавање на кое присутните беа запознаени како да го зголемат својот имунитет, а со тоа и поефикасното справување со заболувањата на организмот.