Агенцијата за електронски комуникации (АЕК) пред почетокот на сезоната на годишните одмори отпочна акција за информирање на граѓаните внимателно да ја користат роаминг услугата. Подготвени се флаери со корисни информации кои се дистрибуирани на граничните премини, а уптаство за внимателна употреба во електронска форма е поставено на веб страницата на АЕК.
На граѓаните АЕК им советува да ги исклучат опциите за автоматско конектирање на интернет на паметните телефони и рачно да ги подесуваат вајарлес мрежите во странство бидејќи цените на мобилниот интренет се исклучително високи за македоснки стандард и во зависност од државата се движат од 60 до 1000 денари за потрошен мегабајт.
Внимателни граѓаните треба да бидат и во Охрид, бидејќи сигналот на мобилните оператори од Албанија е исклучително силен и доколку мобилниот телефон ви е наместен на автоматски избор на мрежа лесно може да се случи да бидете приклучени на роаминг. Затоа сетирајте го вашиот мобилен мануелно да го врши изборот на мрежа.
