Гледано по подрачја, сексуалните злоупотреби над малолетници се најзастапени на подрачјето на Прилеп – 16 дела, следува Штип со 14 кривични дела, осум кривични дела во Скопје, во Неготино – шест кривични дела, на подрачје на Струмица – пет, по четири во Охрид и Велес, по три дела во Кочани и Куманово, по две дела во Гостивар, Радовиш, Кичево, Крива Паланка, Виница и Битола и по едно на подрачје на Берово, Гевгелија, Пехчево, Кавадарци, Тетово и Струга.
Најголем број од регистрираните сексуални деликти се – “полов напад врз малолетник кој не наполнил 14 години“- 61 (52) кривично дело, зголемени за 17,3% во однос на 2009 година, а од нив 13 дела се регистрирани на подрачјето на Штип, по седум во Скопје и Струмица, пет во Прилеп, по три дела на подрачје на Охрид, Неготино, Битола, Радовиш, Велес и Кочани, по две дела во Кичево и Виница и по едно кривично дело на подрачје на Гостивар, Куманово, Кавадарци, Берово, Тетово, Гевгелија и Струга.
Како жртви на половите злоупотреби се јавуваат 52 малолетници до 14-годишна возраст (40 девојчиња и 12 момчиња), а најмладата жртва е на возраст од шест години, при што во најголем број случаи децата потекнуваат од социјално загрозени семејства.
извор: Makfaks