Охридската капетанија смета дека санацијата на оштетените делови од кејот во Охрид, за што пишуваше OhridNews, не е во надлежност на државата. Оттаму објаснуваат дека единствено се надлежни за санација на пристаништата, кои редовно ги одржуваат.
За локалната самоуправа ваквото објаснување на Капетанијата не држи затоа што со крајбрежјето стопанисува државата и нејзина обврска е да се грижи и ја одржува инфраструктурата, вклучително и градскиот кеј. Од локалната остануваат на ставот дека оштетениот кеј треба да го санира државата, а доколку тоа не биде направено, општината ќе биде приморана да воведе забрана за движењето на деловите каде постои ризик од поголеми оштетувања на шеталиштето.
OhridNews
