Се известуваат граѓаните кои одгледуваат пчели на подрачјето на општина Дебрца дека утре, 2- ри јули, екипи од Центарот за јавно здравје Охрид ќе ја спроведат првата теристичка (од земја ) дезинсекција со цел уништување на комарците. Запрашувањето ќе се врши во период од 22 до 5 часот, со апарат за УЛВ ладно запрашување поставена на пикап возило.
Со дезинсекцијата ќе бидат опфатени зелените површини во Општината, подрачјето на река Сатеска, локалитетите со застојни водени површини, урбани населби и локалитети предвидени во планот и програмата. Се молат пчеларите и пчеларските задруги да ги преземат соодветните мерки за заштита на на пчелите.
Третирањето ќе се изведе со препаратот AQUA K – KOTRINE со активна супстанца DELTAMETRIN.
Во случај на појава на неповолни временски услови (ветар, дожд) дезинсекцијата се одложува за следниот поволен ден. За сите информации и прашања отворен телефон за контакт во Центар за јавно здравје Охрид е 046/ 231 881, 046/ 230 231.
OhridNews
