МЈП Проаква Охрид и локалната самоуправа распишаа тендер за набавка на 3.000 вододводни броила со далечинско отчитување, кои според најавите на директорот на претпријатието се очекува да се монтираат во домовите во најмалку три реони од градот, во вид на пилот проект со цел да се видат позитивните или евентуално негативните страни од примената на современите броила.
– Со примената на броилата со далечинско отчитување поголема ќе биде контролата на портрошувачката на вода, а многу е полесно и попрецизно читањето и пренесувањето на податоците во компјутерскиот систем, нагласува директорот на МЈП Проаква- Охрид, Златко Старкоски.
Освен во општина Охрид, проекти за монтирање на вакви современи броила веќе се започнати и во неколку други општини во земјава.
Меѓу најголемите предности од примената на броилата со далечинско отчитување се вбројуваат многу поголемата брзина на отчитување и тоа секој месец, подобрување во точноста на отчитување на водомерите поради елиминирање на пречките настанати со мануелно отчитување, водомерите сигнализираат сигурен дефект на нивната внатрешна водоводна мрежа, како и почитувањето на приватноста на корисниците на услуга, бидејќи нема да има потреба од влегување во приватни имоти поради читање на водомерите.
