Фудбалската федерација на Македонија преку соопштение на својата веб страна ја информираше јавност во Македонија дека ги следи написите во дневниот печат за изјавите на нашиот интернационалец Горан Пандев во врска со неговата иднина во националниот тим.
“До овој момент во канцеларијата на ФФМ нема официјално известување од Пандев за негово евентуално „откажување ” од националниот тим , ниту пак за тоа сме известени од Стручниот штаб на репрезентацијата.
Од тие причини сметаме дека е рано ФФМ да ги коментира овие изјави во печатот додека не добие дополнителна информација од Стручниот штаб и селекторот Мирсад Јонуз кои се единствени кои контактираат со репрезентативците и отворено разговараат за сите проблеми, повреди, стандардни настапи во тимовите и сл.
Бидејќи Горан Пандев поради повреда не е во комбинација за следните квалификациски средби со Андора и Русија, сметаме дека не е потребен дополнителен притисок врз нашиот репрезентативец кој очекуваме лично да реагира на овие изјави , односно да ги потврди или демантира.“ – се вели во соопштението на ФФМ.
Ohridnews
