“Стратегија за волонтерството” е тема на работилницата што денеска ќе се одржи во Охрид. Организатори на работилницата се Здружението КОНЕКТ, Европскиот центар за непрофитно право и Младински совет Охрид во соработка со Министерството за труд и социјална политика.
Во Македонија во 2007 година беше донесен Закон за волонтерство. со што се наметна поптреба од донесување на стратегија за волонтерството. За да се добие стратегија која ќе соодветсвува на околностите и потребите во Македонија, во понатамошните фази потребно е да се отвори поширок процес на консултации со засегнатите страни. За таа цел, во рамки на Проектот за јакнење на граѓанското општество ќе се организираат осум јавни расправи/работилници низ Македонија на кои се предвидува пошироко вклучување на невладиниот сектор, волонтерите, јавните институции и други заинтересирани страни.
На работилницата во Охрид ќе учествуваат претставници од Министерството за труд и социјална политика, како и претставници од работната група која ќе ја изработува стратегијата за волонтерството.
