Веќе неколку години по ред фондацијата Конрад Аденауер организира симулативни игри за млади луѓе од регинот Западен Балкан, со цел поблиско запознавање со институциите и политичкиот систем на Европската Унија. Оваа година во соработка со Центарот за Европски студии од Брисел и Институтот за интернационално образование од Дизелдорф, фондацијата организира семинар со наслов „Визии и желби за Европа“, кој ќе се оддржи во хотел Пела во Охрид, во периодот 21 до 24 април.
Оваа година учесници ќе бидат млади членови на политички партии и студенти од Југоисточна Европа (Македонија, Србија, Хрватска, Босна и Херцеговина, Црна Гора, Косово, Бугарија, Албанија и Грција). Тие ќе имаат можност преку симулации и преземање улоги поблиску да се запознаат со Европската Унија, нејзините институции, политичкиот систем и процесот на донесување одлуки.
