Во Охрид ќе се дебатира за штетноста на отпадните масла

Охрид денеска ќе биде домаќин на завршната работилница од проектот на јавно-приватно партнерство “Систем за управување со отпадни масла во Република Македонија”, кој го организира Министерството за животна средина и просторно планирање, преку Канцеларијата за POPs.
 
Целта на проектот е воспоставување на систем за правилно управување со отпадните масла, во сите фази на нивниот животен циклус (собирање, складирање, транспорт, рециклирање и повторна употреба).

Проектот е финансиран од Владата на Германија, а во неговата реализација учествуваат и Германската агенција за техничка соработка (ГИЗ) и приватната компанија Каро Ас од Германија.