“Улогата на центрите за социјална работа во превенција и заштита на жртви на трговија со луѓе“ е тема на стручното советување, што денеска ќе се одржи во Охрид.
Целта на семинарот е да се запознаат директорите на центрите за социјална работа со концептот на трговијата со луѓе, меѓународното и национално законодавство, институционалните механизми за спречување, откривање, гонење на сторителите на овој организиран криминал, како и превенцијата и заштита на жртвите на трговија со луѓе.
Семинарот е во организација на Министерството за труд и социјална политика во соработка со ГИЗ канцеларија во Република Македонија во рамки на тригодишниот проект за кој е потпишан меѓусебен меморандум за соработка.
