Во текот на наредните два дена Охрид ќе биде домаќин на регионалната конференција “Компјутерскиот криминал и анализа на програмите за обука на судиите и јавните обвинители“.
Основна цел на Конференцијата е обука и едукација на претставници од правосудството за програми за анализа на компјутерскиот криминал.
На Конференцијата ќе учествуваат претставници од Хрватска , Србија , Црна Гора , Босна и Херцеговина , Албанија , Косово , Турција и Македонија . Се очекува да присуствуваат и претставници на Директоратот за соработка при Советот на Европа, како и меѓународни експерти од оваа област.
Предвидено е пред присутните да се обрати министерот за правда на Република Македониј, Михајло Маневски.
Конференцијата е во организација на Академијата за судии и јавни обвинители, а се одржува со финансиска поддршка на Советот на Европа.
OhridNews
