Културолошките разлики, различната верска припадност се мост на мирот, мост за меѓусебно разбирање и толеранција, а медиумите се главната нитка, спона помеѓу верските заедници, државата, јавните институции и публиката, истакна претседателот на Комисијата за верски прашања, Валентина Божиновска, на Конференцијата за улогата на медиумите во меѓукултурните врски, што во организација на Советот на Европа во рамките на македонското претседавање деновиве се одржува во Охрид.– Донесовме заклучоци дека навистина е многу важно што поскоро медиумите да бидат обучени за верските заедници, нивната внатрешна хиерархија и обратно – за тоа колку верските заедници ќе бидат отворени кон медиумите за запознавање, рече Божиновска. Препораките што произлегоа од дискусиите на собирот во Охрид во форма на декларација ќе бидат доставени до Советот на Европа.
На конференцијата во учествуваа над 150 политичари, експерти, новинари, претставници на верски заедници и религиозни групи од повеќе европски држави.
OhridNews
