Во Охрид официјално се регистрирани 390 зависници од дрога, но црната бројка е многу поголема, велат експертите. Во светски рамки таа бројка од официјалната отстапува за осум пати вели Жанета Никоска Стојкоска-портпарол на Координативното тело за превенција на болестите на зависност.
Сега има недостаток на координација, МВР има едни податоци, Дневниот центрар за корисници на дроги располага со други и затоа е потребно да се направи ново изтражување кое ќе овозможи да се изгради база на податоци која ќе овозможи прецизна евиденција на зависниците од дроги во Охрид, вели Стојкоска.
Во последно време нногу се зборува а многу малку се прави за превенција од болести на зависност. Во Охрид постојат две установи кои ги третираат последиците од злоупотреба на дроги, Дневниот центар за корисници на дроги и невладината организација Опција, меѓутоа превенцијата е запоставена, вели Стојкоска. Советот на 35 седница ја усвои програмата за борба против болестите на зависност кој треба да овозможи координација помежу специјализираните институции, но и широка мобилизација на пошироката јавност и медиумите во спречување на причините за зависност од разни видови супстанци.
Проектот ќе трае 3 години. Во првата фаза, наречена универзална превенција ќе бидат и опфатени учениците од основните и средни училишта, родителите,стручните работници во училиштата и предметните наставници, додека во втората фаза ќе се премине на работа со ризичните групи.
За дрогата премалку се зборува а фактите даваат една лоша слика за случувањата во градот. Тоа треба да не загрижи да не натера сите заедно, целокупната јавност многу поактивно да се вклучиме во превенција и сузбивање на болестите на зависност, велат од Координативното тело за борба против болестите на зависност.
Г. Момироски
