Православните христијани денеска според јулијанскиот календар ја слават Нова година – Василица. Традиционално овој празник се одбележува со бдеење и топла ракија, греано вино и веселба крај василичарските маалски огнови ноќта на 13. спроти 14. јануари. Во Охрид според најавите василичарски огнови ќе горат во Горна Влашка Маала, Видобишта-кај „Стобекс“ на ул. „Ристо Чадо“ како и „Крале Марко“, „Сирма Војвода“ – кај општата Болница  и на други места.

Традиционално највесело и најмасовно се очекува да биде во населбата „Железничка“ која каде доаѓањето на Новата Православна Година на полноќ ќе биде означено со голем огномет. Новогодишната василичарска веселба во „Железничка“ започнува со палењето на василичарскиот оган уште во 17,30 часот и прошетка на василичарите предводени од „зетот“ и „невестата“ по домовите  во населбата. Пред 21 часот василичарите се враќаат крај василичарскиот оган кога и почнува целовечерната забава во која се делат и награди за најдобрите маски.

Локалната самоуправа и годинава обезбеди дрва за огновите, како и тезги за послужување, a градоначалникот Александар Петрески најави дека ќе ги посети маалските веселби.

Ohridnews