Учениците од ООУ „Кочо Рацин“ денес го одбележаа 21 септември, Глобалниот ден на кругот на мирот. Преку активности заедно со своите наставници тие ја испратија поракта „Едно дрво. Еден круг. Еден заеднички момент“.
Глобалниот ден на кругот на мирот се одбележува секоја година на 21 септември, што совпаѓа со Меѓународниот ден на мирот на Обединетите нации.
Оваа глобална иницијатива ги повикува училиштата, организациите и локалните заедници ширум светот симболично да формираат или засадат „круг на мирот“, промовирајќи ги вредностите на заедништвото, рамнотежа и соживот.
На овој ден, учесниците најчесто се собираат за да засадат нови „дрвја на мирот“ или формираат кругови од луѓе кои ги отелотворуваат овие принципи, поврзувајќи ги грижата за планетата со човечката солидарност.
OhridNews
