Во општинската зграда отворена Инфо точка за лицата со посебни потреби

Во општинската зграда, денес, од страна на градоначалникот Никола Бакрачески, свечено  беше пуштена во употреба Инфо точката наменета за лицата со посебни потреби .

Преку отворена телефонска линија и лице задолжено да им излезе во пресрет, оваа група граѓани во иднина ќе можат непречено да ги задоволат своите барања во локалната самоуправа.

–    Денес со посебно задоволство сакам да ја промовирам инфо точката за лица со посебни потреби која е резултат на разговорите со Здруженијата на лица со посебни потреби, што значи сето ова е резултат од заедничката координација и потребата за подобар сервис на лицата од страна на администрацијата на општина Охрид – истакна градоначалникот Бакрачески.

Штом влезат во општинската зграда, лицата ќе можат да пристапат до Инфо точката, да повикаат на локал 100 и веднаш до нив ќе биде пратено лице кое ќе им помогне и ги спроведе сите сервисни услуги кои им се потребни .