На денешната седница на Советот, поради отсуството на советниците од ВМРО ДПМНЕ, без позначајни расправи, едногласно беа усвоени речиси сите точки на дневниот ред. Покрај буџетот за 2010 година, како една од најважните точки, советниците ги изгласаа сите Развојни програми на Општина Охрид за наредната година,како и Предлог програмите за работа на МЈП “Проаква”, ЈП “Охридски Комуналец” и ЈП “Билјанини извори”.
Дневниот ред на седницата, во кој според најавата беа, предвидени 49 точки , беше скусен за вкупно 16 точки. По барање на градоначалникот, беа повлечени 15 точки од областа на урбанизмот, а по барање на Пратеничката група на ВМРО Народна партија, беше повлечена 49 –тата точка, според која требаше да се разгледа разрешувањето на членовите од Комисијата за обележување на празници и манифестации и доделување на награди и признанија. Покрај повлечените точки, по барање на градоначалникот дневниот ред беше надополнет со една точка, за усвојување на Локална урбанистичка документација.
Е.Е.
