Екипите на „Паркови и зеленило“, деновиве на повеќе локации низ градот започнаа со засадување на хризантема.
Првите цветни катчиња никнаа кај паркот во близина на каналот Студенчишта, како и во паркот кај сообраќајната клучка од магистралниот пат Скопје-Охрид.
„Есенскиот расад се произведува во сопствениот расадник и застапени се хризантеми со различна големина и широк колоритен спектар. Предвидено е засадување во градскиот парк, парковите кај кружните сообраќајници и други позначајни локации.“ – информираат од ЈП „Охридски комуналец“.
Оттаму велат дека во месец декември е предвидено засадување на цветен расад од видот виола (очиња).
OhridNews
