Во понеделник на 22-ри декември 2014 година, во големата сала на општината Охрид, ќе се одржи деветата отчетна седница на Собранието на Здружението на пензионери на општините Охрид и Дебрца.
На седницата покрај другите точки од Дневниот ред, ќе биде донесена Програма за работа на здружението за 2015 година, Финансиски план, Одлука и програма за спроведување на новите Изборни активности за нови раководства, а ќе биде разгледано на барањето на новото ЗП на Дебрца и донесување на одлука.
На седницата ќе бидат врачени плакети, признанија, благодарници и пофалници на поединци, организации и институции за постигнат особен придонес во активноста и развојот на ова здружение, а преставници на Отсекот за превенција при СВР Охрид ќе го промовираат прирачникот „Внимавајте на вашата безбедност“.
Според најавите, на седницата ќе бидат присутни претседателот на Сојузот на здруженијата на пензионерите на Македонија Драги Аргироски, градоначалникот Никола Бакрачески, заменик-градоначалникот Ангел Јанев и други гости.
OhridNews
