Во пожарот што вчера избувна во месноста ,,Дебело поле” во близина на охридското село Лакочереј, изгорени се од 25 до 30 хектари површина на сува, ниска вегетација, трска, а целосно се уништени и голем број гнезда на дивите птици кои живеат во овој предел.
Од охридската Противпожарна единица од каде информираат дека пожарот бил подметнат од страна на несовесни граѓани, апелираат да не се палат стрништата, што е и најчеста причина за избивање на пожарите на отворен простор, чиј број во овој период од годината е се поголем.
Во вчерашното гаснење на пожарот беа вклучени три противпожарни возила и десетина пожарникари.
Од почетокот на годината до сега, од страна на екипите на Противпожарната единица извршени се над 80 интервенции.
OhridNews
