Во периодот од јануари до март минатата година, општинската администрација и јавните претпријатија во Охрид за репрезентација потрошиле над 40.000 евра, односно 2.542.395 денари.
Одговарајќи на прашање поставено од советничката Јованка Точкова, околу висината на направените трошоци за репрезентација во овој период, градоначалникот Никола Бакрачески потенцира дека оваа ставка најголема е кај МЈП Проаква во висина од 1 милион и 10.000 денари. Јавното претпријатие Нискоградба за репрезентација потрошило 335.639 денари, Билјанини извори 77.628, Градски пазар 10.317, ЈП Охридски комуналец 148.000 и општинската администрација 970.813 денари.
Според градоначалникот Бакрачески особено зачудува висината на износот на направените трошоци за репрезентација во Проаква , со оглед на тоа дека и покрај ваквите трошоци не е познато кои делегации престојувале во претпријатието или пак инвеститори кои евентуално би вложиле во интерес на претпријатието .
OhridNews
