Општина Охрид и ЈЗУ Центар за јавно здравје информираат дека Министерството за Транспорт и врски во соработка со Министерството за Здравство, во сабота на 12 август, ќе изврши авио третирање со широкопојасен инсектицид за третирање на комарци (аеросолна адултицидна дезинсекција). Запрашувањето ќе започне во 05 часот и ќе трае до 08 часот. Истото ќе се одвива на површина од 1500 хектари и тоа на крајбрежјето на потегот од село Подмоље до населба Св. Наум и на територијата на град Охрид.
Поради запрашувањето против комарци се известуваат пчеларите на 12 август (сабота) да не ги пуштаат пчелите од кошниците, односно да ги преземат потребните мерки за нивна заштита. Се известуваат граѓаните на Општина Охрид дека препаратот со кој ќе се изврши запрашувањето не е штетен за луѓето и животните, односно водата и почвата.
Доколку временските услови не го овозможат вршењето на дезинсекцијата, запрашувањето ќе се изврши во наредниот поволен период.
OhridNews
