Според податоците на Државниот завод за статистика, во септември 2016 се издадени 297 одобренија за градење што е за 6.0% помалку во однос на истиот месец од претходната година. Во истиот период на територијата на општина Охрид се издадени три одобренија за градба на физички лица во вредност од околу 15 милиони денари. Во Струга пак издадени се 17 одобренија за градба, 13 на физички лица и 4 на правни субјекти, а вредноста на изградбата се проценува на околу 67 милиони денари.
Според издадените одобренија за градење, предвидената вредност на објектите изнесува 5 088 315 000 денари што е за 21.7% повеќе во однос на истиот месец од претходната година.
Од вкупниот број на издадени одобренија за градење, 196 (66.0%) се наменети за објекти од високоградба, 23 (7.7%) за објекти од нискоградба и 78 (26.3%) за објекти за реконструкција.
Од вкупно 297 објекти, на 203 (68.4%) како инвеститори се јавуваат физички лица, а на 94 (31.6%) објекти инвеститори се деловни субјекти.
Во извештајниот период е предвидена изградба на 1 009 станови, со вкупна корисна површина од 78 143 м2.
OhridNews
