Во тек се активности за подобрување на регулацијата и водоснабдувањето во централното градско подрачје

Како дел од третата фаза од реконструкцијата на улицата „Македонски Просветители” во тек е поставување на два нови шибери со профил ф 200, еден шибер со профил ф 100 и еден шибер со профил ф 80 а истовремено се врши и репарација на два шибери со профил ф250 и еден шибер со профил ф100, информираат од ЈП Водовод Охрид.

Со оваа голема акција значително ќе се подобри регулацијата и водоснабдувањето во централното градско подрачје, велат од претпријатието.

Од јавното претпријатие вчера најавија неколкучасовен прекин во водоснабдувањето на корисниците од улиците „Македонски Просветители“ , „Кеј Македонија“, „Димитар Влахов“, „Славеј Планина“ , делови од „Бул.Туристичка“ ( на потегот од гимназијата до бензиската пумпа „Макпетрол“), „Гоце Делчев“ , дел од „Бистрица“ и сите улици од стариот дел на градот поради градежните активности кои се дел од реконструкцијата на улицата „Македонски Просветители“.

OhridNews