Во тек се активностите за реконструкција на улицата „Македонски Просветители“ кои беа ставени во мирување во текот на летниот период. 
Со оваа фаза опфатено е уредувањето на коловозот, тротоарот и велосипедската патека, зелен појас и јавно осветлување, односно исто како и претходните фази. Рокот за завршување на активностите е проектиран да биде околу први ноември, велат од Општина Охрид.
На потегот каде се одвиваат градежните активности како што претходно информираа од Општина Охрид важи времен сообраќаен режим.
Улицата „Македонски Просветители“ се затвора за сообраќај на потег од крстосницата со Бул. „Туристичка“ до крстосница со ул. „Димитар Влахов“, а сообраќајот се пренасочува по околната улична мрежа, при што истиот ќе се одвива согласно време поставената сообраќајна сигнализација.
Инаку, активностите за реконструкција на улицата започнаа минатата година. Согласно проектот предвидено е комплетно булеварско решение со осветлување, двосмерна велосипедска патека, пешачки патеки од двете страни и нови коловозни ленти одвоени со зелен појас.
Н.С.Ј.
