Вечерва во 20 часот во галеријата на Центарот за култура „Григор Прличев“, ќе биде отворена изложба на фотографии, од фотографи доброволно пријавени на објавениот повик од страна на „Поинт Парк“ Универзитетот од Пенсилванија- САД, во соработка со македонската невладина организација за Мултилигвинална и мултикултурна хармонија- Охрид.
Изложбата е дел од проектот за развој на туризмот во охридско- струшкиот регион во кој се вклучени професори и студенти од америчкиот универзитет, наменет за американскиот пазр.
Во рамки на изложбата која вечерва ќе биде отворена, ќе се врши и фотографирање од страна на Мајкл Клос, академски сликар од македонско потекло кој живее и работи во Канада и кој во светски рамки е познат и како дизајнер и сценограф кој работи на филмови и телевизиска продукција.
OhridNews
