Министерството за образование денес го објави конкурсот за запишување на ученици во јавните средни училишта.
Во четирите средношколски образовни институции во Охрид во учебната 2014/2015 година, во прва година ќе можат да се запишат вкупно 1146 ученици.
Од нив 272 во ОСУ „Св. Климент Охридски“, во општинскиот електро- машински училишен центар „Св. Наум Охридски“ 432 ученици кои ќе учат во 13 паралелки и во угостителско- туристичкото училиште „ Ванчо Питошески“ 272 ученика во 8 паралелки.
Министерството за образование даде зелено светло на одлуката на советот на општината за формирање на средно општинско стручно училиште „Св. Кирил и Методиј“ во кое во новата учебна година ќе имаат можност да се запишат вкупно 170 ученици. Од нив 136 во економско- правна и трговска струка, а 34 ученици во здравствена струка.
Пријавувањето и запишувањето на учениците ќе биде во два уписни рока, јунски и августовски. Првото пријавување во јуни е на 23 и 24, а резултатите ќе бидат објавени на 25 истиот месец. Квалификационо тестирање во средните училиштата ќе се спроведе на 27 јуни годинава, додека резултатите ќе се објават на 28. Второто пријавување од јунскиот рок е на 30 јуни и на 1 јули, а резултатите ќе се објават на 3 јули. Учениците ќе имаат уште една шанса за упис – на 21 август, а на 22 ќе бидат објавени резултатите.
OhridNews
